Castellano | ASTURIANU

 

CIRCUITU

Rayas

El Gobiernu del Principáu d’Asturies, al traviés de la Viceconseyería de Cultura y Deporte de la Conseyería d’Educación y Cultura, tien ente los sos oxetivos el fomentu y impulsu de la creación, producción y espardimientu de les artes escéniques asturianes. Ente les acciones desendolcaes pola Viceconseyería de Cultura y Deporte pa cumplir estos oxetivos alcuéntrase’l Circuitu de les Artes Escéniques del Principáu d’Asturies.

El Circuitu de les Artes Escéniques del Principáu d’Asturies, creáu en 2001, ye una realidá que resulta posible gracies a la coordinación ente’l Gobiernu del Principáu d’Asturies, ayuntamientos, y empreses profesionales de les artes escéniques. Dende entós, l’esfuerzu y la collaboración conxunta de les alministraciones autonómica y municipales y los profesionales de les artes escéniques permitió ufiertar y averar a la población asturiana de numberosos conceyos esta milenaria y fundamental manifestación cultural, al tiempu que collaboró nel fomentu de la so creación, producción y espardimientu. Na actualidá, venticinco ayuntamientos, cuarenta y cinco compañíes y una programación de cerca de trescientes representaciones conformen esti Circuitu de les Artes Escéniques del Principáu d’Asturies.

El Circuitu de les Artes Escéniques ye un programa abiertu, vivu y activu, con una programación variada, de diferentes estilos, formatos y manifestaciones. Estes característiques faen del Circuitu una acción cultural consolidada n’Asturies, gracies al buen trabayu de los técnicos de programación de los conceyos que la conformen y a les empreses profesionales de la escena.

El Gobiernu del Principáu d’Asturies impulsa, organiza y coordina’l Circuitu de les Artes Escéniques del Principáu d’Asturies, amás de cofinancialu xunto colos ayuntamientos, pero sólo la estrecha unión de los implicaos fai posible que cásique toles nueches del añu, en dalgún requexu d’Asturies, se llevante’l telón pa que los asturianos puedan siguir esfrutando del teatru y del restu de les artes escéniques qu’integren esta yá bien enraigonada acción cultural.

Circuito de las Artes Escénicas del Principado de Asturias
Circuito de las Artes Escénicas del Principado de Asturias
Circuito de las Artes Escénicas del Principado de Asturias
Circuito de las Artes Escénicas del Principado de Asturias
Circuito de las Artes Escénicas del Principado de Asturias
Circuito de las Artes Escénicas del Principado de Asturias
Circuito de las Artes Escénicas del Principado de Asturias
Circuito de las Artes Escénicas del Principado de Asturias
Circuito de las Artes Escénicas del Principado de Asturias
Circuito de las Artes Escénicas del Principado de Asturias
Circuito de las Artes Escénicas del Principado de Asturias
Circuito de las Artes Escénicas del Principado de Asturias